“Urganch–Xiva”

“Urganch–Xiva” pullik yo‘lida yo‘l asosini qurish ishlari davom etmoqda

Shovot “TYFK” DM ishchi guruhi tomonidan “Urganch–Xiva” pullik avtomobil yo‘lida yo‘l asosini mustahkamlash va qurilish ishlari faol davom ettirilmoqda.

Mazkur ishlar doirasida yo‘lning poydevori, drenaj tizimi, qum va shag‘al qatlami hamda asfalt qatlamini tayyorlash ishlari amalga oshirilmoqda. Mutaxassislar tomonidan sifat nazorati o‘tkazilib, qurilish standartlariga rioya qilinishi ta’minlanmoqda.

Shuningdek, ishchi guruh yo‘l xavfsizligini ta’minlash, transport harakati uchun qulay sharoit yaratish hamda qurilish jarayonini belgilangan muddatlarda yakunlashga alohida e’tibor qaratmoqda.

Mazkur qurilish ishlari “Urganch–Xiva” yo‘lini sifatli va bardoshli qilish, transport oqimini yaxshilash hamda hudud iqtisodiyoti rivojiga xizmat qilishi bilan ahamiyatlidir.